أبو ذيه + قصيدة خلوني \\\\\ر/ فالح حسن الجابري

أبو ذيه + قصيدة خلوني
______________
أنا أتناســـــــــيت ألي يفلان طاري 
وحدث صدفه جمعني وياك طاري
سهمك لاح وسط الجبد طــــــاري
*****
أشـلون أســــلاك وانتَه اثرت بيـه
____________________
خلوني اسمع
________
أسمع شبحجيكم وانحـــت آثــــار
حتى أبكَلبي تسعر جمرة
النار
واعيد الدمع كَوه لموكَـ العيـــون
ما اريده على الوجنــات
أنهار
اضمه بالدواخل حتى مــا ايلوح
بصناديكَ الدواخل ياما
أسرار
رحي الدنيه تلوج وتطحن الناس
ويظل خارج رحيها خاين
الدار
وكتنه دوخانه أبعاصـف الريح
ظنيناه خفيف ولنـــــه
أعصار
*****
خلوني أترجم دمـــع الجفـــون
بقوافي ما تكضهه احدود
وسدود
خلوني أوفي ديـــــن هـــالذات
وارد عكس الزمن واطيه
المريود
خلوني أَوذر كلبي واهــــديــه
شسوي بالكَلب؟ مضموم
للدود
ما أنكرسبكَني أبحلو الأطبـاع
وتفرهد مني بين الناس
فرهود
عبر زوده عليََ أبساحة الخير
ولا صمْ أيده لحظه هذا
ابو الجود
*****
كريم النفس بالزينــات وداي
غيره ومرجله وايفوت
بصرار
أسمع شبحجيكم وانحـت آثار
حتى أبكَلبي تسعر جمرة
النار
_________________________________________
الشاعر/ فالح حسن الجابري
_________________
31/8/2017م
__________