{انت فاكر} \\\\\ رفعت أبوكريّم

قلمى / رفعت أبوكريّم
{انت فاكر}
انت فاكر يا حبيبى ان حبك اتنسى
حبك انت يا حبيبى كان ليا مدرسة
أنا لسه فاكر ضحكتــــك
وكمان عذوبة بسمتــــك
وكان غرامى هلّتـــــــــك
تيجى وتاخدنى فى سكتك
ناكل جيلاتى فى الجنينــــة
ونقطف الورد بايدينــــــــا
والناس تغنى الله علينـــــا
شافوا الحب اللى ف عنينا
ليه تسيبنى وتعاتبنى فى الهــــــــــوى
انت فاكر لما قلبى بنار حبك انكــــــوى
ولا فاكر لما جرحى طاب منك واستوى
انت ناسى كنت ليا الطبيب ويّا الـــــدّوا
حرام تسيبنى من غير كلام ليا ونروح
ليه العذاب وتسيبلى قلبى مليان جروح
احفظ ودادى وبلاش عنادى خلّيك معــــــاى
أنا مش هسيبك رايح أجيبك لحظة وجـــــاى
وهيبقى عيد وانت سعيد وفرحتك غاية مناى