ا أندليت \\\\\ فالح حسن الجابري

ا أندليت
_______
انا اندليت. وكت انسيت مـعـنايْ
وتبعت احلامي لتغني
مـواويلْ
لكَيت الدنيا جذبهْ وبيها أحــــايْ
يهلوس بالحجي ويحشــم
أدخيلْ
وانا الما علتْ والله ابهاي دنيايْ
انا طبعي المحبه وابد
ما اعيلْ
وانا دوم ابجي من ايقسـم النايْ
احس بيه العتب ليكَلي
وك شيلْ
ما تسوه الحياة بس آخي شـكايْ
ووجوه البشر بس بيها
تمثيــــلْ
ضاع الصدكَـ بين الهاي والهايْ
وغدت أطباع ناسي الجذب
والقيلْ
تاهت كل قيمنا وخانـي اهــوايْ
وغدت جلمة (أحبك ) بيها
تأويلْ
الصدكَـ وينه اريده يمشـي ويايْ
ويدليني علـــى الجانو
بهاليـــلْ
على الجانو قيمهم بيها طـروايْ
ومن حبهم تبده الاخ
باليلْ
ضاعتْ وانكَضت واتنطرالجايْ
لكن ما اظن يتلاكَه
بالحيلْ
_________________________________________
الشاعر/ فالح حسن الجابري