اوعى ترد \\\\ بقلمى / أيمن الحداد

اوعى ترد \\\\ بقلمى / أيمن الحداد
،،،،،،،،،،،،،،،،،،
لوناوى ترد عليا بحاجة 
تبقى ترد
رغم انت كلامك شايفه 
مش ولابد
يبقى ياريت ترحمنى وتبنى
لو انت رايدنى
وبلاش هد
رحت وقلت فى يوم عدولى
ولا همك حد .....
انت فاكرنى عشان حبيتك
تقدر تبعد كده على كيفك
ولا تسأل عنى ولا ترد ؟
ميت مرسال وصلولك منى
وبعد عيونك عنى شاغلنى
وانت هاجرنى
وبعدك طبعا ده مجننى
يبقى ازاى وعايزنى اسمعلك
اصل كلامك مالهوش معنى
وتخلينى عليك مشغول
وجاى تعاتبنى بكلام فاضى
وتعمل قاضى وتحكم بالاعدام
وتسلمنى تانى بايدك للسجان
سجان الوحدة الفتان ؟
طب خففلى الحكم شوية !!
اصل دا حكمك قاسى عليا
ولا حتى بتدينى الحق فى الاستئناف
يبقى ازاى وعايزنى اسمعلك
لأ كده احسن مليون مرة
اصل حياتى معاك كات مرة
ولا تلزمنيش منك شفقه
ولا احسان .....
ولا حتى بكلمة عليا ترد
احسن مات فيا الانسان
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،