ق/الزمان حفظ الرواية ك/أحمد عبد الرحمن صالح

ق/الزمان حفظ الرواية
ك/أحمد عبد الرحمن صالح
~~~~~~~~~~~~~~~
ليه بتبكي عل اللي راح 
وانتِ رفضه م البداية
~~~~~~~~~~~~~~~
كل ما انسي وقول خلاص
تفتحي نفس الحكاية
~~~~~~~~~~~~~~~
إيه جرالك شوفي حالك
ولا كدبك مش كفاية
~~~~~~~~~~~~~~~
ولا عجبك موج دموعك
اللي مش راكب معايا
~~~~~~~~~~~~~~~
الف قصة قرتها قبلك
في طريق مفهوش هداية
~~~~~~~~~~~~~~~
لما جيت افرح بقربك
الجراح كتبت رواية
~~~~~~~~~~~~~~~
فيها اسمك جنب اسمي
والوداع أجمل نهاية
~~~~~~~~~~~~~~~
فكره تايهة بين اماني
في زمان مجهول هوية
~~~~~~~~~~~~~~~
فين وعودك اللي كانت
ترسم الاحلام ورايا
~~~~~~~~~~~~~~~
من النهارده خلاص نسيتها
مستحيل أقبل جباية
~~~~~~~~~~~~~~~
اللي بنا راح لحالة
والنصيب كتب النهاية
~~~~~~~~~~~~~~~
كنت شايل ليكِ بسمه
لسه صوتها بين هوايا
~~~~~~~~~~~~~~~
بس يخسارة لقتها
دمعة معكوسه ف مرايا
~~~~~~~~~~~~~~~
صورة بهتانه بحلمي
رفضه لوجودك معايا
~~~~~~~~~~~~~~~
اوعي تاني تعشقي
في زمان حفظ الرواية
~~~~~~~~~~~~~~~
وإن قدرتي تصدقي
إني قلبي كان له غاية
~~~~~~~~~~~~~~~
يبقي كل كلامي وهم
وصفي ليك مش كفاية
~~~~~~~~~~~~~~~
غصب عني لازم أبعد
وارمي أوهامك ورايا
~~~~~~~~~~~~~~~
صعب جداً عل زيك
توهب الاحلام رعاية
~~~~~~~~~~~~~~~
صدقيني فوقت منك
يلي في بعادك مُنايا
~~~~~~~~~~~~~~~