حبة ورق طارو \\\\\ الشاعره سحر محيسن

حبة ورق طارو \\\\\ الشاعره سحر محيسن 
من عمرى وانقطعوا
والفرح ليه اختاروا
جرح الزمان قطعوا

حبة ورق تايهين
مستنين فرحه
وهموم بقالها سنين
متمكنه وسارحه

فيهم سنين ضايعين
وسنين طويتها سنين
لا الفرح بيقرب
ولا م العذاب سالميين

نحلم يجيينا الفرح
والفرح ليه مبيجيش
نحصد مراره وجرح
والحزن مبيمشييش

حبة ورق ضاعوا
فى هموم زمان قاسى
حتى الصحاب باعوا
وفضلت انا اقاسى

العمر ايه ياسنين
غير حبه ورق طايرين
ياتعيش سعيد فيهم
ياتموت هزيل وحزين

عمرك داليه مسروق
ولا حد بيحبك
دمك كمان محروق
وبكاك وجع قلبك

زمنك ضنا لك ويل
وانت ليه مستسلم
لهموم تهد الحيل
وجوا الورق تحلم

سيبك من الاحلام
ده العمر ده هبابه
حبة حروف وكلام
فى حكايه كدابه

بتعيشك فى الدور
وبكدبها بتتغر
وبتوهمك بالنور
ومدوقاك المر

سيبك بقى منها
دى الدنيا بر عذاب
ايامها وسنينها
حلم و وامل كداب

انا حبة ورق طايرين
ضحك القسى فيهم
بالاسم ال عايشين
والحزن مالييهم

انا بس ايه غير ورقه
مرميه على شطين
وسنينها طاروا سرقه
فى هموم ونار وانيين

انا حبة ورق طاروا
م العمر ومش راجعين