المرجيحه \\\\ فارس المصرى
😀😀😀ع المرجيحه
بنت مليحه
بترمجح قلب
تدلع حب
مره تقب
و مره تطب
و الدنيا فسيحه
ع المرجيحه
خديني جنبك
خبينى ف قلبك
عصفور ف ايديكى
اشرب ف عنيكى
اموت و انا حاضنك
موته مريحه
ع المرجيحه
ف حضن حبيبي
سلمته قليبي
بصيت ف عنيه
طيفى مخبيه
ع المرجيحه
مرجحنا يا شوق
طير بينا لفوق
لا حد يشوفنا
و لا عين تلمحنا
ع المرجيحه
بيقولوا قال
علينا عيال
زي العصافير
نلعب و نطير
تاني ع المرجيحه
و اااهين يادنياا
سبينا ثانيه
نرجع لسنينا
اللى ضاعت منا
فوق ع المرجيحه
سبينا لأحلامنا
نسعد بغرامنا
نرجع لسنينا
طب مين هايسبنا
فوق ع المرجيحه
بالعند فيكم
و ف أهاليكم
احنا قاعدين
و مش نازلين
من ع المرجيحه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.