بقلمى/ رفعت أبوكريم (شاعر الصعيد)
بعنوان {{ مشاعر أنثى}}(عاميّة)
*********************
يا نبض القلب أنا عارفه إنّك
تعانى نار البعد والفرقة
وعارفه ان العيب مش منّك
وبكيت على فرقاك بالحرقة
راح العمر وشاخ م الزمن سنّك
وحشنى كتير صوتك
عطرك, سحرك , وفنّك
أنا وحشنى كتير همسك
ووحشنى حنان لمسك
وكمان جميل رسمك
وكل حروف اسمك
واسمى عزيز غالى
وشمته على جسمك
وحشتنى ضمّة وجد
أنا للحضن مشتاقة
واكتويت بنار البعد
ونار البعد حرّاقة
نار بعدك رصاصة ليل
أصابت صميم القلب
خلّتنى أدوق الويل
ولا عرفت إيه الذنب
ومرارة الحلق غصّتنى
ولا عرفت طعم الحب
أنا باقية على عهدك
ولا هنسى ف يوم وعدك
وهبقالك أنا وحدك
مصير الحىّ يتلاقى
يدلّعنى ويتشاقى
بين ايديه يهدهدنى
يطوينى ويفردنى
أنا واللهِ مشتاقة
************
رفعت أبوكريّم (شاعر الصعيد)
جميع الحقوق محفوظة
بعنوان {{ مشاعر أنثى}}(عاميّة)
*********************
يا نبض القلب أنا عارفه إنّك
تعانى نار البعد والفرقة
وعارفه ان العيب مش منّك
وبكيت على فرقاك بالحرقة
راح العمر وشاخ م الزمن سنّك
وحشنى كتير صوتك
عطرك, سحرك , وفنّك
أنا وحشنى كتير همسك
ووحشنى حنان لمسك
وكمان جميل رسمك
وكل حروف اسمك
واسمى عزيز غالى
وشمته على جسمك
وحشتنى ضمّة وجد
أنا للحضن مشتاقة
واكتويت بنار البعد
ونار البعد حرّاقة
نار بعدك رصاصة ليل
أصابت صميم القلب
خلّتنى أدوق الويل
ولا عرفت إيه الذنب
ومرارة الحلق غصّتنى
ولا عرفت طعم الحب
أنا باقية على عهدك
ولا هنسى ف يوم وعدك
وهبقالك أنا وحدك
مصير الحىّ يتلاقى
يدلّعنى ويتشاقى
بين ايديه يهدهدنى
يطوينى ويفردنى
أنا واللهِ مشتاقة
************
رفعت أبوكريّم (شاعر الصعيد)
جميع الحقوق محفوظة
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.