ثورت قلب \\\ كمال البنا

قصيدة/ثورت قلب كنت عارف انى اكيد فى يوم هثور .
كنت عارف انى هقول على حبك يغور.
يغور الحب كله مع حبك لو بالشكل دة.
حب اية الغريب اللى يفرج علينا دة ودة.
حبك انت حب خانق حب يوصل للهلاك. 
حبك انتى حب تانى اسمه حب الامتلاك.
كان لازم من زمان قلبى يصرخ ويقولك حرام.
ويقولك كمان أن الحب مش بس عشق وهيام.
ولا حروف جميلة تتقال وتترص فى كلام .
لا دا الحب إحساس مشاعر ثقة وكمان احترام .
مش رحت فين كلمت مين ومين كانت معاك .
مش بقولك حبك انتى حب يوصل للهلاك.
روحى عنى سبينى وابعدى بعيد بعيد.
روحى عنى واكيد وفى بعدك هكون سعيد.
بقلك روحى يلا ودورى على حب تانى.
روحى وعارف انك هتفضلى عمرك تعانى.
بكرة تندمى لما تمر بيكى السنين . وفى بعدى عنك تشبعى حزن وانين . اوعى تفرحى دا لسه بدرى على الحساب.
بكرة تعرفى أن خلاص قلبى العاصى تاب.
تاب وثار ومش ناوى يرجع تانى العذاب.
العذاب اللى خلى بالنسبالى الجنة نار.
اللى خلانى شفت معاكى الليل نهار. اوعى حد تانى يقولى ليه انا قلبى ثار.

شعر كمال البنا