محتاره فيك
بقلمى /ايمان احمد
محتاره فيك مخبى ايه
حبك ليه بتداريه
لو على الغرام باين عليك
مين على الغرام يقدر عليه
وتدارى ليه
انا لسه شيفاه فى عنيك
بتقول ليه عنيك كدابين
من امتى كان الكدب فيك
لو كان ده تقل خليه بعيد
انا عارفه احساسك ده ايه
انا حاسه بيه
فرحه عنيك وانت معايا
دى تبقى ايه
همس كلامك ده مدوبنى فيك
لهفة اديك على اللقا
وساعه الفراق حزنك ده ليه
محتاره فيك مخبى ايه
حبك ليه بتداريه
من غير كلام قلبك بيصرخ
من الغرام ومن الهوى
حتى شوقك والحنين
انا حاسه بيه
خليك معايا
بلاش تبعد و انت هنا
وان بعدت قوللى حبيبى
ايه الدوا
محتاره فيك مخبى ايه
حبك ليه بتداريه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.