مصر يا أما يا بهية
يا للي بجمالك صبية
أنت غالية عندي وأغلى
من كنوز الدنيا ديه
أنت أصلا نور حياتي
نن عيني وذكرياتي
أنت ماضي وأنت يومي
وكل أيامي اللي جاية
نفسي أشوفك نجمة عالية
فرحة في عيون الصبية
نفسي أشوفك حضن دافي
يحمي أولادنا اللي جاية
نفسي أشوفك خطوة سابقة
للأمام ..ودائما ...عفية
وب ح ب ك
بحبك مهما.... كنتِ ولا قلتِ
لو غضبتي..... أو رضيتي
لو رحمتي ... أو قسيتي
لو منعتي. أو عطيتي
أنت أمي وحِتا مني
مهما رحتي ولا جيتي
أنت ليّٙا... كل عمري
وروحي مش تكتر عليك
***********************
قلمي أمل صلاح
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.